"Радио Свобода" — интервью у подростков:

Пятница, 24 Марта 2006 г. 20:30

Дзяўчына: ) “Хлопец, ён страціў прытомнасьць, зь ім паступілі вельмі непрыемна: ён папросту паўгадзіны праляжаў на падлозе, “хуткая дапамога” прыехала толькі праз паўгадзіны. Потым прывялі яшчэ нейкую зьбітую дзяўчыну, ёй забаранілі з намі нават размаўляць, але яна размаўляць, у прынцыпе, напэўна і не магла”.

“У гэтым браневіку было вельмі страшна. Там, у гэтай міліцыі, яны нейкія хворыя, напэўна. Бо яны пачалі шукаць аркушы паперы, каб напісаць рапарты, ні ў каго не было. Яны пайшлі па аўтобусе, шукалі ў кожнага ў заплечніку — калі не было, яны білі. Калі ім нехта не падабаўся з твару, яны таксама падыходзілі й білі”.

У двух браніраваных міліцэйскіх аўтобусах з затрыманымі на Кастрычніцкай людзьмі былі 22 непаўналетнія, паведаміла Яўгенія. Але агульную колькасьць затрыманых гэтай ноччу падлеткаў высьветліць пакуль немагчыма.